اناالحبيتك بصدق وإخلاص

أنا الحبيتك بصدق وإخلاص
وهبتك روحي وقلت عمري كلو فداك
أديتك كل الأمان والحنان
بس تعالي نرجع ونتذكر أيام زمان
لمن قلت بحبك
وقلتي وأنا كمان
إتفقنا من ساعته إن نعيش الدنيا
بي نظره واحده
كلمتنا واحده
بس سؤال....
إيه الحصل وخلانا نختلف؟؟
كل زول ليهو كلمته
ما زمان كان الرأي واحد فقط
إيه الحصل وخلانا نختلف؟؟
قلت بحبك أكتر
وقلتي أنا كمان بحبك أكتر
قلت بحبك عدد أوراق الشجر
وقلتي بحبك عدد قطرات المطر
قلت بحبك عدد حبات الرمال
وقلتي بحبك عدد حصوات الجبال
قلت وقلتي وعجزنا كيف نتفق
مرات أقول أنا بحبك أكتر
ومرات تقولي أنا بحبك أكتر
إيه الحصل عشان أول مره نختلف؟؟
مرت الأيام ونحن بعاد عن بعض
بس كيف نثبت مين فينا بيحب التاني أكتر
في الآخر قتلني الشوق
وعجزت أقاوم بعادك عني أكتر من كده
بي نفس الحكايه لقيت الحاصل معاها هناك
ويمكن أكتر شويه عشان نرجع لي بعض
إتفقنا وحددنا موعد نتلاقى فيهو
كنت ناوي أقول ليها خلاص وكفى
مقتنع تماما بي حبك الكبير ليا
من أول ما شفتها فتحت خشمي ونطقت
لقيت الحروف الطالعه مني
ليها صدى طالعه من خشمها
كلامنا طلع من جوانا في نفس الوقت
كل زول بيقول للتاني
إنت حبك أكبر مني أنا
حضنتها ولي صدري ضميتها
حمدت ربي وليهو شكرت
أداني إنسانه بالجد بحبها
وفي الختام إبتسمت وقلت ليها
حبي ليك ياداب يساوي ربع حبك ليا
وبعد شويه رجعنا تاني في الإختلاف
لمن قالت ليا حبي الجميل
ياداب يساوي ربع حبك الكبير ليا
كلمه مني بي كلمه منها
عاينت فيها وقلت تاني
إيه الحصل عشان نرجع نختلف؟؟
حبي وحبك نعمه من ربنا
تعالي يا حبيبتي خلاص وكفى
وين ألقى زيك تاني تحبني قدر كده؟!!
بحبك يا حبيبتي وربي يحفظك ديمه ليا
يحميك الله ويصونك
وقالت ليا نفس الكلام في لحظته

/
\
/
\
/
\

بعد مسافه شويه من سكات
بي نظره مني ونظره منها
ضحكنا ونطقنا في نفس الوقت
كلمه واحده طلعت من جوه قلوبنا
بي كل صدق وإخلاص وقلنا سوى
بحبــــــــــــــــــــك